星怡 (已結業)

餐厅环境阔落，蓝色主题感觉舒服轻松，全卡位设计，私隐度高，坐得几舒服。本身以为开喺尖沙咀Isquare价钱应该会偏贵，但竟然唔会，价钱都相宜合理。马来参巴烤魔鬼鱼 $128鱼肉非常嫩滑，鱼骨都是非常粗的骨，啱晒我呢种唔识吐骨嘅人，配上参巴酱酸酸甜甜好开胃。新加坡大虾喇沙 $108喇沙汤底几香滑，有椰浆味，微辣，辣度啱啱好。大虾份量都多，而且新鲜大只，肉质爽甜！胡椒肉骨茶配饭 $88肉骨茶可以拣胡椒或药材味，胡椒味少少辣，汤底淡淡地易入口。肉骨都炆得几入味几淋，仲有豆卜吸晒汤嘅精华，好好食。会配埋三小块油炸鬼，炸得非常香脆，而且唔会觉得油，出色！黑糖寒天椰汁冰 $36椰汁冰椰味浓郁，本身以为配黑糖寒天会好甜，但我觉得甜度啱啱好！