影片
更多
2018-01-28
1530 浏览
鹿鸣春⋯⋯我细细个就听过呢个名㗎喇🙊其实都系听左几年姐，事关呀妈成日听人讲话好食，成日都话要泥试，但你知啦～我地食开平野嘅点舍得食几百蚊一只片皮鸭，去到唔系净系食鸭㗎嘛😅但今年呀妈生日，一于实现佢嘅愿望啦～由于佢成日吓我话难book枱，所以我早左一个月打电话黎😂接电话嘅职员都算有礼貌，成个预约过程都算愉快嘅。我地订左7半，结果当晚早左15分钟左右到，门口未见有人等位。入到去⋯惊见楼底好矮，而且枱放得几密杂，系果种⋯⋯后面枱个人起身会撞到我椅背𠮶种～好喇，终于坐底左，睇睇餐牌⋯太多选择，得4个人又唔食得多野，结果问左个伙记意见～位女伙记态度唔错，同我地介绍左几样野，仲话要细size就够，怕太多野食唔哂～首先黎个头盘～素鹅拼酱蹄，竟然咁快就有惊喜😲d素鹅同出面好唔同，唔系炸面，反而系冻食嘅腐皮，好淋口，一d都唔油，个个都话好食～我反而几欣赏个酱蹄，肥瘦适中，惹味开胃👍🏻之后就紧系主打菜片皮鸭啦～佢无半只叫，就算你2个人黎都只能硬食一只！佢安排师傅喺我地面前片只鸭，热辣辣几教力功👏🏻师傅三爬两拨就片完只鸭，结果有2大碟。卖相相当唔错～我先食一件无夹皮，鸭香味无想像中浓，而且比较油，但夹住d青
由于佢成日吓我话难book枱，所以我早左一个月打电话黎😂接电话嘅职员都算有礼貌，成个预约过程都算愉快嘅。我地订左7半，结果当晚早左15分钟左右到，门口未见有人等位。入到去⋯惊见楼底好矮，而且枱放得几密杂，系果种⋯⋯后面枱个人起身会撞到我椅背𠮶种～
好喇，终于坐底左，睇睇餐牌⋯太多选择，得4个人又唔食得多野，结果问左个伙记意见～位女伙记态度唔错，同我地介绍左几样野，仲话要细size就够，怕太多野食唔哂～
首先黎个头盘～素鹅拼酱蹄，竟然咁快就有惊喜😲d素鹅同出面好唔同，唔系炸面，反而系冻食嘅腐皮，好淋口，一d都唔油，个个都话好食～我反而几欣赏个酱蹄，肥瘦适中，惹味开胃👍🏻
之后就紧系主打菜片皮鸭啦～佢无半只叫，就算你2个人黎都只能硬食一只！佢安排师傅喺我地面前片只鸭，热辣辣几教力功👏🏻师傅三爬两拨就片完只鸭，结果有2大碟。
卖相相当唔错～我先食一件无夹皮，鸭香味无想像中浓，而且比较油，但夹住d青瓜同酱食感觉就会好d无咁油～可惜嘅系⋯⋯个皮唔啱食🤕
个皮同某d女仔一样⋯⋯好厚粉🤕冻冰冰的，而且比较硬身，食多块已经觉得好饱，我个人觉得系一个败笔，当然佢都有佢嘅捧场客。
只鸭除左片出黎d肉，其实仲有好多野食，伙记话可以拎翻屋企，或者加钱爆香佢。我地简左后者，点知出黎有惊喜～京葱味浓，d鸭肉炒过无咁腻，好香口，个个争住食～
41 浏览
0 赞好
0 留言
另外，我地仲叫左个招牌菜～烧羊肉😋由于我好中意食羊，所以基本上点整我都ok，反而要赞赞呢个羊肉烧得香脆，羊味都够，令人食完又想再食😳
33 浏览
0 赞好
0 留言
最后仲有个火腿上汤津白～都系伙记介绍，佢话好清甜好好味，果然无令我失望！火腿唔会咸到食唔到，d津白好嫩好清甜，刚好中和头先比较油腻嘅肉😋😋😋
说实话，得4个人去可试到嘅菜式唔多，想试埋佢个拔丝香蕉个胃都无哂位了～所以见身边嘅枱都系10个8个人，如果下次有机会多d人黎，我都有几多野想试下🤔
张贴
