影片
更多
2016-12-11
9493 浏览
话说赖生本来偷偷地约左成班好耐冇见既旧同事同屈小姐聚旧，系十万个要求之下赖生谂好左食咩啦！之但系⋯由于屈小姐极懒，赖生用尽千方百计都呃唔到屈小姐陪佢出旺角，唯有⋯和盘托出😅，直接约佢去啦！ 点知原来果间冇6人枱，好在屈小姐内置左美食地图，临时变阵去左泉章居！（p.s. 大家以为赖生想约大家同屈小姐庆祝周年纪念，但赖生又点会要大家做电灯胆呢)讲番正题，呢间泉章居就系一般中式既酒楼黎既，当日冇乜人，所以我地都坐得几松动，一坐低就睇menu叫野食！我地6个人叫左个4人餐+2个𩠌😝😝1）金牌盐焗鸡 （4.5星）- 只盐焗鸡本身都已经超入味，就咁食都好好食！好重既咸鸡味！而呢个盐焗鸡系可以成功用盐逼到鸡味出黎果只- 只鸡好滑哦！亦唔太肥！仲好厚肉添- 点少少酱（真系少少好啦）鸡味就更出！2）豉汁蒸白鳝 （4星）- 唔错既，豉汁都较得好滋味！不过略嫌白鳝唔够厚肉，食唔到弹牙果种口感 （再次偷偷地话你地知，赖爸爸整煮鳝有一手嫁，所以比较之下呢度就⋯唔算出色啰）3）粉丝牛仔骨煲 （3.5星）- 因为屈小姐钟意食粉丝，而旧同事们钟意食牛仔骨，所以我地就点左呢个，满足晒大家既愿望啦！- 牛仔骨ok! 都整
（p.s. 大家以为赖生想约大家同屈小姐庆祝周年纪念，但赖生又点会要大家做电灯胆呢)
讲番正题，呢间泉章居就系一般中式既酒楼黎既，当日冇乜人，所以我地都坐得几松动，一坐低就睇menu叫野食！
我地6个人叫左个4人餐+2个𩠌😝😝
1）金牌盐焗鸡 （4.5星）
- 只盐焗鸡本身都已经超入味，就咁食都好好食！好重既咸鸡味！而呢个盐焗鸡系可以成功用盐逼到鸡味出黎果只
- 只鸡好滑哦！亦唔太肥！仲好厚肉添
- 点少少酱（真系少少好啦）鸡味就更出！
2）豉汁蒸白鳝 （4星）
- 唔错既，豉汁都较得好滋味！不过略嫌白鳝唔够厚肉，食唔到弹牙果种口感 （再次偷偷地话你地知，赖爸爸整煮鳝有一手嫁，所以比较之下呢度就⋯唔算出色啰）
3）粉丝牛仔骨煲 （3.5星）
- 因为屈小姐钟意食粉丝，而旧同事们钟意食牛仔骨，所以我地就点左呢个，满足晒大家既愿望啦！
- 牛仔骨ok! 都整得入味而唔算un!
- 不过粉丝就要扣分啦，虽然吸到牛仔骨既精华，但一夹起黏埋成饼野咁⋯点食呢？唯有整散佢啦⋯⋯
4）蟹肉扒豆苗 （4星）
- 份量唔错㖞！6个人都够食
- 豆笛都嫩，唔算太油！
- 就咁用眼睇都见到好多蟹肉，食落都食到既！蟹肉味仲比豆苗吸到添！
5）例汤 （花生鸡脚汤）（4星）
- 都好足料，有几只鸡脚同几旧肉既，汤都好够味嫁！不过可以再多D花生，应该会再甜D!
- 好多煲，一人应该可以分到碗半至两碗
4人餐外加既𩠌
6) 蜜糖蒜香骨 （4星）
- D骨炸完都干身，唔会滴油，加上蜜糖缠绕住成旧骨，甜甜地！几好送饭嫁！肉都好大旧添！
7）大良炸鲜奶 （3.5星）（几特别嫁！）
- 岩岩炸起热既时候呢，几好嫁，甜甜地带奶香！入面仲融融地好滑仲有砂糖比你点添！
- 可惜系层粉好好好厚 ，食一旧就饱饱地（好挂住同屈小姐系士林夜市食果串炸鲜奶呀）
- 一定要热食！冻左个皮出哂油，加上好厚粉，屈小姐就拆左入面个馅就咁食
今晚仲倾番之前好多野！虽然大家都各散东西，但做同事果阵都几开心既，尤其系赖生
#原来我们和爱情曾经靠得那么近❤️❤️
#有好同事番工系开心既
#有女神既朝早
#各位都要努力同幸福呀
#欣赏背后既努力
#继续为将来而进步
#隔离枱班肥仔望咩😡
金牌盐焗鸡
121 浏览
0 赞好
0 留言
豉汁蒸白鳝
126 浏览
0 赞好
0 留言
粉丝牛仔骨煲
121 浏览
0 赞好
0 留言
蟹肉扒豆苗
139 浏览
0 赞好
0 留言
花生鸡脚汤
94 浏览
0 赞好
0 留言
蜜糖蒜香骨
104 浏览
0 赞好
0 留言
大良炸鲜奶
145 浏览
0 赞好
0 留言
张贴
