一起素 (已結業)

我系个食肉兽，去食べ放题同食自助餐都食好多嘢，仲要系食好多肉。只要有我嘅场合，去べ放题同食自助餐就一定唔会蚀本。学年初素食餐厅开咗，本来只系打算抱住「试吓啦」嘅心态去试一试，但就比佢嘅高质食物，搞到钟意咗去素can食嘢。（我哋中大人钟意叫中大嘅饭堂做乜can 乜can，素食餐厅就自然系素can）最钟意素can 嘅新鲜食材，响一菜难求嘅中大，咁难得可以揾到咁多鲜味蔬菜，当然会爱上。（要知道，宿生如果餐餐无菜，日常生活会好麻烦）素can 既蔬菜都唔系普通既灼菜，而系经过精心调味。食过一次香草杂菜，佢唔系好油，但会有好浓嘅香草味。食过一次豆豉南瓜，意外地两者嘅味道都好夹，南瓜亦非常爽甜。叫嘢食有两种形式，可以系套餐，有饭有一大碟𩠌有个汤；或者叫一／两𩠌饭。两𩠌饭28蚊，以中大餐厅黎讲算系贵少少，但胜在够真材实料。两𩠌饭／套餐以外，每加一个𩠌就要8蚊。但佢有个套餐叫「自在随缘」，38蚊，但就有三个𩠌，加一小碟斋卤味，同埋跟餐嘅汤，非常抵玩。