薈亞廚房 (已結業)

有一排就好钟意去九龙城揾泰国嘢食，但去得多，慢慢觉得味道其实都差不多。环境方面又比较挤逼，所以都系拣返近自己屋企嘅泰国餐厅食嘢好过，一开始以为商场入面应该好贵，但后尾发觉又唔会，价钱都正常。最紧要环境几靓，几阔落，坐得又舒服。我就无约朋友，一个人去食嘅，咁一个人选择唔多，唔可以试好多嘢，不过我睇佢地菜单都几吸引，除咗泰式嘢，都几多西式嘢。我就点咗一碗泰式猪颈肉汤河，猪颈肉煎得香脆，唔会觉得油腻。汤底都几好饮，唔会太咸。下次会想试下其他菜式。