糖百府 (已結業)

今日(24-7-2009 Fri)同男友o系添好运食完晚饭,就依计划行事,o黎糖百府食闻名已久o既雪花冰喇.谂住行过对面,点知原来佢就o系正隔离.由于时间尚早,暂时冇乜客,我同男友可以任坐,都系坐o左最埋边o既位,由于男友前日至o黎食过,以佢o既经验话我知,要两个人食一个,而佢系食o左朱古力味,所以我o地今次拣$35.00o既咖啡味.等o左一阵,大大座o既雪花冰到o黎.底下有佢menu所讲o既红豆,小丸子同咖啡冻,面上有名叫彩针o既糖,但佢menu上写有焦糖,我又唔系好觉有㖞.影好靓相就开餐喇,咖啡味唔太浓亦唔太甜,o岩o岩好.口感真系好好,入口即熔但仍好冻,好过食刨冰又冻又要咬.而最欣赏佢就唔同刨冰咁,冰系淡淡o既白开水,o系面上淋啲糖浆.呢个系先开好咖啡雪成冰至炮制,所以啲冰系有味道.而底下o个三样o野就唔系好多.红豆够腍,小丸子烟韧又饱肚,咖啡冻好细粒,食唔出咖啡味.服务:冇问题,劲好吖.环境:人多时应该都几迫,都系o个句,旺角只有少数食肆座位唔迫.