咖啡弄 (已結業)

今日同朋友去到铜锣湾，唔系太饿，又想食少少嘢所以就决定去咖啡弄。我地好好彩12点去，𠮶阵无咩人，完全唔洗排队，入到去已经有几枱人坐咗喺度。我地叫咗个碎蛋沙律三文治，炭烧咖啡，同水果冰茶。因为朋友对奶类敏感，店员好细心，记得帮忙走晒所有奶类嘅嘢，例如牛油。个三文治好足料，啲碎蛋份量好足，又唔会太多沙律酱，同个面包好夹，一咬落去，仲足料到咇晒啲馅出嚟，好满足。仲有啲配菜，例如生菜、青瓜同蕃茄都好新鲜。炭烧咖啡就一般，带点微酸，无一般嘅日式咖啡咁易入口。个水果茶就依旧出色，杯上加上柠檬同冰特别清新，啲水果都非常甜，啲橙同苹果都好甜，同个红茶好夹，值得一再试。下次嚟会再叫其他甜品！