響葫蘆 燒物 . 居酒屋 (已結業)

今日放工就约同事一齐去食放题，有朋友介绍过呢间餐厅，但系本身唔系放题形式，而系以居酒屋形成经营，相信因为楼上舖生意难做，不过转形之后，生意可能有好转?因为星期四夜晚都有唔少人啊～价钱唔算太贵，不过食物同野饮嘅选择就相对地少啲，饮品只有啤酒、汽水同热菊花蜜，要自己去雪柜到拎嘅放题必嗌同第一样嗌先嘅就系刺身!!种类唔多，但系胜在鱼生质量几好，厚切嘅三文鱼，口感非常嫩滑肥美，绝对唔系𠮶啲薄切三文鱼可以比得上。而另外一个必嗌嘅系牡丹虾，手掌心咁大只嘅牡丹虾，肉质鲜美，仲好有弹性，大赞! 其他鱼生嘅品质都唔错，可以不停encore~~除咗刺身，紧系要睇埋寿司同手卷有无啲咩特别野啦，竟然发现有海胆手卷!! 海胆就中规中矩，无咩特别，略厌紫菜唔系脆身，应该系趁啲饭仲系热嘅时候包，所以紫菜变得烟韧黏牙。食完冻野嘅头盘，就系食热食嘅时候，一系列嘅炸物都必嗌嘅野喇，相比起吉列炸大虾，我更加钟意大虾天妇罗嘅口感，炸到脆脆薄薄，点点清甜嘅酱油汁，口感味道都好丰富，不过如果𠮶酱油入面有啲白萝卜蓉就会好啲喇～另一个炸物 — 软壳蟹天妇罗都系推介食品，炸到脆脆嘅外壳，中间有少少嘅蟹肉，连埋个酱油食，炸粉都仲可以保持