深宵食堂 (已結業)

咁夜放工做得咁辛苦，当然要食餐好补偿下啦！今次拣左呢间系大厦入面既烧烤点！细细地，岩哂三五知己饮下酒，食下小食，倾下计啦！烟肉荔枝卷，热既生果之中好似第一次食荔枝，谂住试下新野，食落出奇既夹呀，荔枝令到烟肉无咁咸，二者互相帮助！芝士蟹肉玉子烧，招牌菜，深宵二个字代表住佢地既餐厅，浓浓既芝士，啖啖蟹肉，加上嫩滑既玉子，太夹啦！软壳蟹沙律，大大件炸到岩岩好既软壳蟹，佢唔系炸到好热气既炸粉，有啲似油炸鬼包住佢咁！但佢唔系好油，够干身，但蟹又够水入份！处理得好好！黑松露牛油帆立贝，有黑松露既香，有牛油既香，帆立贝表面有煎香既口感，唔好彼此抢左大家既味道！烧羊架，好细心，烧完帮你整开一小件一小件，方便大家食，佢味道都香口，加上二款酱汁，唔同配合，我个人喜欢薄荷汁，有少少甜甜地！更好味！青苹果梳打，好香青苹果味道，唔会太甜，好美好既一餐！