影片
更多
2018-08-13
827 浏览
今次好似已经系第三次嚟帮衬呢间上海小笼皇,因为屋企人都觉得佢味道唔错,再加上位置方便,又唔洗大排长龙等位入座。
上次嚟叫咗碗四川担担拉面觉得好味,所以今次又翻啅佢多一次,依然系咁好食,仲要饿到唔记得影相添, 汤底都几浓同埋好香嘅花生味,有小小微辣,要将啲肉碎同埋面条捞埋一齐入口,几个人share一小碗咁,好快就K.O.仲有一样嘢我唔记得咗影嘅系鸡丝粉皮, 因为我太钟意食喇,唔抢嘅话好快冇哂我家有位小朋友好钟意食上海粗炒同埋上海炒年糕,呢两样我都唔钟意食嘅所以我唔评论啦,不过佢哋就次次都会叫。今次我试下叫咗个糖醋排骨,大家都觉得好有惊喜,争住要食,糖醋比例刚刚好,酸酸甜甜好开胃,排骨够腍亦算多肉,大家对佢嘅评价都好高至于佢嘅招牌小笼包我就麻麻地啦,虽然佢味道都OK嘅,但我嫌佢包皮都太厚了,唔太喜欢。另外一个比较出色嘅𩠌菜系黄金虾仁,呢碟嘢虽然胆固醇超高,但亦都深得我哋嘅喜爱,佢外面有好浓郁嘅咸蛋黄,炸到热辣辣脆卜卜,可以令人一粒一粒食唔停口
不过呢间舖头价钱都算有小小贵,都系比较适合一班人嚟食,可以叫多几个𩠌,咁除番开人头嚟计就会比较划算啲啦
糖醋排骨
$76
20 浏览
0 赞好
0 留言
黄金虾仁
$92
21 浏览
0 赞好
0 留言
招牌小笼包
$36
16 浏览
0 赞好
0 留言
张贴
