陳家菜 @Freshlane (樂基商業中心) (已結業)

早几日见冻冻地，揾到呢间屋企附近嘅外卖店，原来有几个网上外卖平台都有同呢度合作，见近近地，我就选择咗去自取。呢度有个取餐柜位，平时打电话嚟order完，按返时间过嚟攞就得，好方便！古法羊腩煲～呢度所有食物都系即叫即热，羊腩又淋又惹味，整得干净👍🏻返到屋企，妈咪已经攞定个煲出嚟😄，自己加啲支竹，煮完酱汁依然香浓，配饭好正！黑椒蜜汁鸡翼～鸡翼好juicy又入味，攞到返屋企都仲keep到个热度，外脆内有汁，黑椒味唔算重，而且香香甜甜，小朋友都啱食。个餐配埋佢哋嘅自家制杭菊饮品，微甜又清香。仲有番薯姜糖水，好啱呢个天气！