泰然 (長發廣場)

营业中

休息中

专程为左食个咖哩面包软壳蟹而来，虽然餐厅位于屋村商场，但环境装修舒适，平日晚上来，也不用排队。食物方面，叫左个二人餐，加配一份冬阴公汤。原本落单叫咖哩面包软壳蟹、蟹肉炒饭同埋小食拼盘。侍应好好提醒面包再加炒饭可能食唔唒。所以转左个猪颈肉，而佢最尾都系好啱嘅，因为个面包真系好饱肚。个咖哩面包软壳蟹嘅面包底系烘过外皮系脆嘅，而咖哩加左蛋，令佢好易痴上面包到。咖哩本身唔辣，香浓泰式咖哩味道，软壳蟹虽然唔系好脆，但加埋个汁同面包一齐食系好好嘅配搭。而食哩个蟹真系比想像中饱。至于猪颈肉同小食拼盘不过不失，系大家去泰国餐厅预期嘅味道。冬荫公汤好足料，有有膏嘅大头虾，好浓味。初初饮落唔辣，但系有后劲，怕辣嘅人应该会觉得都几辣。不过个汤系好香浓嘅，口味较重。饮品方面(冇图)，叫左一杯芝士奶盖红肉火龙果沙冰，杯沙冰好香火龙果味，唔系用糖浆打出嚟嘅。不过配上成个二人餐嘅菜式都系饱肚野，个芝士奶盖就饱上加饱。虽然杯沙冰好味，不过建议食咖哩面包软壳蟹同冬荫公汤就叫相对清淡开胃嘅饮品会较好。埋单400有找，比起其他泰国菜算偏平，但个肚就好满。屋邨价钱，优良质素，侍应有礼貌，值得再食。