盤子工房 (建生商場) (已搬遷) 新店位置

小编远道由九龙市区入到屯门建生去应援店打卡，当然要喺附近揾食，试下新餐厅啦！🤗 当日本身出门已经系黄雨☔️，入到去屯门之后变咗红雨🌨。好在喺轻铁落车后，都叫做有一段有盖行人路挡下雨，未至于全身湿晒😅 转入建生商场行返出去，就会见到同屋邨零舍唔同风格嘅盘子工房啦！ ［ 乱闯试饮试食 ］🍽 咸蛋黄蟹肉意粉 😋😋😋😋😋虽然骤眼望落去唔多觉有咸蛋黄酱嘅橙黄色，但仔细睇系见到一粒粒咸蛋黄，只系捞埋咗喺蟹肉同意粉度 🤩 酱汁唔会过于浓烈，整体带有咸香味！ ☕️ 竹炭鲜奶咖啡 😋😋😋😋先被餐厅选用嘅咖啡杯吸引咗，细细杯好精致 😁 饮落咖啡味先冲上上颚同鼻腔，然后再喺口腔慢慢散去，感觉几得意，又唔会令人讨厌！唔知系咪因为加咗唔少竹炭粉落去嘅原故呢？🤔午餐 💵💵💵 约港币$140/人 顺带一提︰餐厅只收现金，大家去帮衬嘅话，唔够现金喺手，可以到附近嘅商场㩒钱。💁🏻‍♀️ 题外话︰望住玻璃门外嘅雨水放空发呆真好☺️，谂住等雨细啲就离开餐厅，准备去下一个应援打卡店，点知埋单行出门口冇几步路，变埋黑雨…… 🌧🤦🏻‍♀️🙆🏻‍♀️ 最后，喜欢嘅话，欢迎follow @foodirectory.hk ！