木玥巷

营业中

休息中

木玥巷应该无乜屯门牛会唔识，因为老细以前系酒店中厨出身，所以啲出品都一向几高既质素，平时想食台湾野，就会自然谂到佢～今晚我地成家人又系度开餐喇😙🍀红烧牛肉面牛展超级厚切！！我谂有2-3cm咁厚⋯一心谂住咁大块会好鞋口，但入口筋腱位有胶质但唔黐牙，肉质出奇地又软又腍😙汤底色泽浓厚偏酱油色；虽然系红烧但唔会辣，重醇厚牛骨味，饮到卤水香，红白萝卜无渣清甜。面条系台式手打面，预期中既弹牙烟韧，软硬度适中，整体正宗台味💚🍀黯然销魂安格斯卤肉拌面卤肉正常理解系猪肉，但依度竟然用安格斯牛肉，肉味浓，属半肥瘦；「黯然销魂」点都有只太阳蛋，将蛋汁同卤汁捞均手打面条，加埋卤肉连青瓜、红姜、泡菜一齐食，有层次又好滋味、饱足🍀台式三杯鸡一上碟好香酒味系有镬气既，鸡应该用左鸡髀位，无骨好滑无雪味，九层塔味好出，而鸡髀菇好惹味juicy🍀樱花虾鳗鱼炒饭睇好似好湿，但饭系珍珠米，索左水份（鳗鱼汁）米粒食落又唔会好林，岩岩好👍🏻大量既樱花虾有提味既效果，虾味超浓，配料鳗鱼相对较少，饭面有好多紫菜条，成个饭感觉同味道都好日式🍀蟹肉明太子炒新竹米粉粒粒鱼春（明太子）布满晒成个米粉，好多炒蛋同蟹肉，色泽金黄炒得好干爽，新竹