雲貴風正宗雲南米線

营业中

休息中

今日去完长洲，搭村巴返屯门，男人话想食米线，咁第一时间就谂起虹桥间云贵风，上次去到无开门，今次应该唔会咁黑仔挂😛一去到门口劲多人，多数等外卖，生意真系好鬼好。我同丫姐讲两位，佢叫我等阵，本身唔觉饿既我系门口净系等左一阵闻到阵麻香味，个人即刻好有食欲😫等左5分钟有位喇，一早谂左吃咩，一个叫麻辣小辣鸡肉炸猪排米线，另一个叫猪耳腩肉酸辣米线🍜两碗都有鲜肉碎，麻香酸辣味十足，食落辣辣地，唔太咸，米线煮得岩岩好，顺滑。猪耳同腩肉好出色，依两个𩠌男人话必点，睇落都流晒口水猪排我觉得炸得干左d，但个麻辣真系一流。本身好少食米线既我都食清晒，真心正。建议d野食黎左先叫野饮，因为一罐可乐真系唔够饮😏简单幸福的一餐，价钱实惠，系间铺细左少少要等位咁。下次试其他口味，期待与他的一期一会，继续食好西。