小茶角 (啟豐商場) (已結業)

小茶角 Tea & Corner📍 屯门湖翠路138号启丰商场地下1A4号舖同好耐无见嘅旧同事兼好朋友终于约到食早餐，超lucky嘅系今日系佢stay喺屯门嘅last day。由于想同佢一齐睇下海，吹下海风所以拣咗喺屯门码头呢间cafe食早餐chill下。💰$28海牛配薯角 🥐🍟呢个海牛其实系吞拿鱼粟米牛角包，佢个包唔系劲酥脆嘅牛角包，感觉上无一般嘅咁油同腻。馅料我拣咗比较清新嘅吞拿鱼同粟米，加埋中间嘅沙律菜，配薯角就啱啱好！佢嘅薯角好粗好厚实，而且调味刚刚好，唔会太咸，食哂都无咩罪恶感！💰$19炭焙乌龙奶茶 🥤我另外叫咗杯炭焙乌龙奶茶，微糖正常冰。虽然唔系太饮到炭焙过嘅味道，但奶茶饮完唔会觉得涩口，好顺滑，呢个价钱有咁大杯冻饮，无得弹！💰$47虽然店舖门面唔大，座位亦有限，但我哋有幸坐到面向海嘅窗边位，一边喺室内睇住个海同云嘅变化，一边食住一份好食嘅早餐，呢种生活真系好写意。