BYOB Coffee Roaster

营业中

休息中

屯门牛又出动，去番自己地方食下cafe，唔洗山上水远啦🤣去左虹桥𠮶边既BYOB Coffee Roaster，cafe开门就去食，所以一定有位，听闻本身呢间都系要成日等位🤣依加BYOB Coffee Roaster 系屯门盈丰个头都开左分店。-大虾阔条面 $78 （8/10）果然好有诚意，d虾真系好大只，肉质好爽口，仲好入味，虾煎到金黄色，再配上忌廉汁嘅阔条面挂到汁，阔条面唔会太韧，岩岩好，整体成个意粉都做得好好。-墨鱼汁海鲜意粉 $88 （7.5/10）继续都有爽口虾，不过就大虾阔条面啲虾好食啲🤣 虾Size就细啲，仲有青口，鱼同鱿鱼，全部海鲜都唔错，唔会食到雪藏味，意粉质感都岩岩好，不过我觉得个墨鱼汁就唔够重味啦，如果重啲就更加好，食到墨鱼鲜味就正啦😍-水牛城鸡翼 $48 (7/10)鸡翼size都几大姐，外脆内软，个汁好惹味，所以整体成只鸡翼都好入味，唔错唔错👍🏻-整体来讲成个用餐感觉都好快，可能因为好快就上到菜，cafe空间都好大，其实都好早就会坐爆人，建议大家黎都早d霸位，野食整体唔错，但今次冇特别试咖啡，见好多人都大赞，有机会经过就买杯外卖啦🤣顺带一提餐具同水系自助式。