屯門咖喱屋

营业中

休息中

原本讲好食泰国菜，友人却临时变卦拣咗屯门咖喱屋。-餐厅设计明显略旧过时，旧冰室枱凳配印度风墙身，餐厅有镜，唔夹，灯光暗，偏黄，坐得迫，拼枱。有中英餐牌，有套餐，选择多，价钱平。-平日夜晚帮衬，唔使等位，侍应非香港人，人手勉强足够，小忙，服务态度正常。-友人唔食辣，谂咗一阵决定散叫。一坐低送鸡汤同印度小食。-鸡汤色泽浓，有鸡肉，唔错，友人嫌略咸。-印度小食唔知系咩配两个酱汁，粒状炸物，微暖，本身应该外脆内软但系腍咗，口感似炸饭团，有啲啲烟韧，略带香料味，唔错。-香浓鲜茄奶油鸡份量少，鸡件多，咖喱稠，味道微酸带甜，微辣。-印度蒜蓉烤饼份量正常，蒜蓉香，口感烟韧，好食-印式蒜香炒西兰花份量小，家常菜，有港或香味，略咸，口感偏腍，友人钟意-印度黄饭份量正常，有唔同嘅米饭，粒粒分明，口感偏干硬，有香料味，友人唔钟意-整体而言，屯门区内热门小店，性价比高，味道正常，烤饼好食。