影片
更多
2018-11-20
28 浏览
不嬲无辣不欢，但系太辣又食唔到😂好似我哩种中意食辣又食唔到好辣嘅朋友仔，就一定要去试下山城小面，包啱口味！哩间小店主打川菜，而且口味正宗，辣度仲可以因应个人口味而作调节。我同朋友仔一人叫咗一碗面，几唔错！我哩碗系肥肠粗面，小辣，面爽口而且咬落有口感，面质唔会太硬或太淋，啱啱好！肥肠好香口，而且好入味，小辣嘅汤底辣得黎又好剌激，十分开胃。朋友要咗鸡翼宽条面，面条爽口而且好滑，索晒汤底嘅精华！鸡翼肉质鲜美多汁，卤得超入味，口感较为淋身。另外仲叫咗一个蒜泥白肉同埋口水鸡翼。蒜泥白肉味道适中，唔会好似岀面餐厅咁过咸，而且肥瘦亦控制得好好，好食！口水鸡翼好易拆骨，而且肉质鲜嫩仲入晒味，必试啊！我地当然要试埋佢哩度岀晒名嘅冰粉！食完辣野食翻碗冰粉系人间一大爽事！哈哈！冰粉好冰冻，食落口劲滑，解辣又解渴，面头嘅提子干同山渣夹埋冰粉一齐食又岀奇地夹！
不嬲无辣不欢，但系太辣又食唔到😂好似我哩种中意食辣又食唔到好辣嘅朋友仔，就一定要去试下山城小面，包啱口味！
哩间小店主打川菜，而且口味正宗，辣度仲可以因应个人口味而作调节。
我同朋友仔一人叫咗一碗面，几唔错！我哩碗系肥肠粗面，小辣，面爽口而且咬落有口感，面质唔会太硬或太淋，啱啱好！肥肠好香口，而且好入味，小辣嘅汤底辣得黎又好剌激，十分开胃。
朋友要咗鸡翼宽条面，面条爽口而且好滑，索晒汤底嘅精华！鸡翼肉质鲜美多汁，卤得超入味，口感较为淋身。
另外仲叫咗一个蒜泥白肉同埋口水鸡翼。蒜泥白肉味道适中，唔会好似岀面餐厅咁过咸，而且肥瘦亦控制得好好，好食！
口水鸡翼好易拆骨，而且肉质鲜嫩仲入晒味，必试啊！
我地当然要试埋佢哩度岀晒名嘅冰粉！食完辣野食翻碗冰粉系人间一大爽事！哈哈！冰粉好冰冻，食落口劲滑，解辣又解渴，面头嘅提子干同山渣夹埋冰粉一齐食又岀奇地夹！
张贴
