阿純山東餃子

营业中

休息中

山东菜？？？ 中菜唻讲，香港盛行上海菜，广东菜，好少听人讲山东菜，今日行经就去试吓。一入门见到三位姐姐喺度分别负责整饺子皮，包饺子同煮饺子，边做边倾计，好有家嘅感觉。西洋菜饺汤面：饺子即叫即整。西洋菜饺好少食肆供应，皮薄，饺子多肉汁，味道可以，但汤底就较淡，即使。建议非大食嘅人只叫饺子，而非汤面，两样同价。熏鱼汤面：煄鱼几入味，但有少少咸，肉多，少骨。烧鸡：全部都系鸡脾肉，又烧得入味，肉质滑，但由于现时好难买到新鲜鸡，所以呢度都系用冰鲜鸡，鸡味一般。食完成餐，都唔太知山东菜有咩特式。但建议大家可以试佢嘅饺子，性价比几高。