氷川菓屋 (已結業)

小店位于山林道，去过上手thelittlecorner铺位嘅大概都知道格局系点，大致相同，店内只有四个面壁位，加埋门外一个小层架，可以容纳嘅人唔多，所以听闻最初开嘅时候都要大排长龙。可能而家少人左，加上我系平日夜晚去，都唔需要等候。如果唔想等位，佢地嘅刨冰、饮品可供外卖。餐牌供应水果沙冰、抹茶焙茶等饮品，价钱唔贵。仲有6款刨冰：黄豆粉、草莓、热情果、蓝莓、山梨白桃、热情果+白桃，最平嘅黑蜜黄豆粉口味38蚊就食到，其余定价$48-$78。山梨白桃刨冰 $68 (季节限定)机器由日本购入，刨冰都选用北海道地下天然水制成，水蜜桃系时令野，用上山梨县白桃，不能抗拒即叫即制，大概都会见到制作过程，唔需要等好耐，不过还是建议带番手套做（当日店员只带上一只手套），会比较卫生。刨冰嘅实物比想像中细啲，幸好白桃嘅份量都大方。冰嘅质地唔算话好细滑，偶然会食到碎冰块，溶嘅速度都几快，食紧上面，碗仔已经溶成桃水…面头加左桃汁，所以一路食都会有香甜桃味。白桃熟透，真系好香甜，味道天然食到中间会见到隐藏的水信玄饼，虽然冇味，都算系小惊喜。