海韻素食菜館

营业中

休息中

星期日放假约埋朋友去郊游，朋友话想试大澳海韵的八宝鸭，平时人少冇乜机会食到，今次一行七人，一于就去试吓！订咗位1:45，去到仲要等多20分钟，我哋之后买海鲜来加工，椒盐赖尿虾、白灼海虾、仲有清蒸鱼仔。椒盐赖尿虾做得非常出色，味道调校得刚刚好，食完也不觉口渴，当然最紧要海鲜非常新鲜。所有海鲜都鲜甜无比。三样加工费$220，还算便宜。另定左一只八宝鸭，鸭肚内装住满满的莲子和栗子及两粒起沙的咸蛋黄，鸭肉用筷子轻轻一夹就散开，应该蒸炖了不少时间，令所有材料味道融为一体，实在美味，八宝鸭工序繁复，很少地方有得食，如果想食最好早几日预定。刚好有朋友生日所以我哋都叫咗一碟豉油王炒面，如意长寿咁解，面炒得干身多芽菜，味道调校得刚刚好，唯一不满意就是卖相，炒得太碎太短，好彩味道搭够。椒盐鲜鱿虽然冇乜惊喜，但味道还是可以的。荔芋卷酥脆可口，淡淡都有芋头香，酥甫用腐皮卷包住沙葛粒红萝卜粒，酥脆加上爽口，口感层次非常丰富。炸豆腐外脆内软并不是坊间出边食到的，有浓浓的豆腐味，食完一件接一件，停不了口。腰果露真的是很一般，虽然甜味适中但太杰唔香，同埋唔明点解咁深色。