泰昌餅家 (已搬遷) 新店位置

其实山顶地方靓就食咩都咁好味，食个景都够晒啦。好可惜系山顶游客太多，变左好多时都揾唔到地方坐低食野，我试过等翠华等左9个字都未有枱+__+ 。上星期日我又同一家人带埋狗狗去山顶行山山啦，行完又未够钟食饭又饿饿地，周围餐厅都坐满晒人，咁就唯有喺山顶广场行下兜下…咦，发现左间饼店可以配饮品外带饮品同糕饼﹝好似外卖套餐咁﹞，咁就不如试下啦！普通蛋挞6蚊，芝士蛋挞7蚊。我见好似几得意就试下。事实上芝士真系有劲多种，有啲就好咸好重味；有啲就好硬好企身；有啲好香但食落淡口…蛋挞本身肯定系甜，所以要简一只适合既芝士都唔容易。热辣辣既蒸气上升，伴隋住阵阵蛋香，舌头最先接触的必定系蛋挞皮。呢个蛋挞唔系酥皮，但又唔可以叫得晒系牛油皮/曲奇皮，因为佢唔似牛油皮/曲奇皮咁重牛油味同用既面粉应该唔同一般面粉。外皮可以清楚见到一粒一粒深咖啡色谷麦既物体，食落唔会好甜，个皮脆身同干干地身好有咬口。相信有谷麦的蛋挞皮应该比较健康，就算配合芝士都唔会俾人一种”is too much”的感觉。泰昌用的芝士香得黎唔会好咸，芝士溶左之后拉到出黎但又未至于咬唔断。先食到皮的松脆、到芝士的浓香再到蛋的甜滑，成件事好有层次。到个主