影片
更多
2023-04-15
33 浏览
黎到宜昌街, 你会见到几间差唔多装潢嘅门面, 都系木造嘅门框、窗花, 满满嘅日本或者台式风。其中一间就系一郎拉面店啦。经朋友推介, 原来佢系日本九州过江龙,加上鲷鱼拉面咁特别, 同埋配白汤, 真系俾图片吸引左我黎试下。无错, 我今次系拣左店舖限定拉面 - 鲷鱼白汤拉面 $138。我会逐样食材讲下-鲷鱼鲷鱼表面系烧过嘅, 入口味道系甜, 爽滑,放心啦, 无骨嫁!我觉得系全碗面入面最好味嘅食材。而大细, 我觉得岩岩好。如果你钟意啖啖肉, 咁佢就可能偏细块啦, 好似寿司上嘅一块刺身, 当然佢系熟啦。不过味道系独特, 好味! 值85分。不过份量呢, 本身3块, 我觉得可以俾够5块, 因为本身都唔算大块。而且系过左$100嘅拉面啊。味蛋好味! 我第一样就系食味蛋, 值75分。味道岩岩好, 你会见到佢嘅蛋黄系较深色, 的确好入味。 同样系份量问题, 依家出面唔少拉面店都开始俾全蛋, 过左$100嘅拉面, 我觉得可以俾返全蛋.叉烧第一啖系甜嘅, 咀嚼多几啖, 会发现系同烧味店嘅叉烧差唔多，不过系明显再火灸过，我觉得佢可以拣肥多少少嘅位，因为你会火灸，咁就可以谷到油脂出黎，会香会脆。依家未够油脂未够香
其中一间就系一郎拉面店啦。
经朋友推介, 原来佢系日本九州过江龙,
加上鲷鱼拉面咁特别, 同埋配白汤, 真系俾图片吸引左我黎试下。
无错, 我今次系拣左店舖限定拉面 - 鲷鱼白汤拉面 $138。
我会逐样食材讲下-
鲷鱼
鲷鱼表面系烧过嘅, 入口味道系甜, 爽滑,
放心啦, 无骨嫁!
我觉得系全碗面入面最好味嘅食材。
而大细, 我觉得岩岩好。
如果你钟意啖啖肉, 咁佢就可能偏细块啦, 好似寿司上嘅一块刺身, 当然佢系熟啦。
不过味道系独特, 好味!
值85分。
不过份量呢, 本身3块, 我觉得可以俾够5块, 因为本身都唔算大块。而且系过左$100嘅拉面啊。
味蛋
好味! 我第一样就系食味蛋, 值75分。
味道岩岩好, 你会见到佢嘅蛋黄系较深色, 的确好入味。
同样系份量问题, 依家出面唔少拉面店都开始俾全蛋, 过左$100嘅拉面, 我觉得可以俾返全蛋.
叉烧
第一啖系甜嘅, 咀嚼多几啖, 会发现系同烧味店嘅叉烧差唔多，不过系明显再火灸过，我觉得佢可以拣肥多少少嘅位，因为你会火灸，咁就可以谷到油脂出黎，会香会脆。依家未够油脂未够香。
不过我都觉得值75分。因为入口 同 咀嚼多几啖个味道明显系两个层次。由新鲜感(烧过嘅香甜味) 到 熟悉嘅味道 (喔！叉烧）
汤底
碗白汤，我系饮晒嘅，系真系好入味，我好钟意！唔会好油腻。85分。
面底
唉！ 幼面。 依个虽然好个人，不过面对住容易挂汤嘅浓白汤，拣返粗面会唔会好点呢？ 满足感会大点嫁。 同埋幼面拉底左碗拉面嘅水平, 50分。
配料：消失的露笋、紫菜、竹笋
图中有绿色一条条嘅露笋
食到一半, 系㖞, 无嘅?!
紫菜、竹笋 正常发挥！
总结
我觉得好食嘅, 唔会太清亦唔会太浓, 甚至唔会好肥。总数值70分。
而改善系..我觉得可以大方、慷慨一点, 份量多少少, 因为食完, 其实都系65-70%饱, 当然可以加底, 不过佢本身都过左$100嫁啦。
叉烧拣肥少少，同埋补返露笋，唔该。商品说明条例啊😂
依间系值得再黎,虽然有进步空间, 不过 系over合格有多嘅, 胜在有新鲜感！
不竟食惯酱油味,黑蒜味, 辛辣味, 今次白汤真系好正！
张贴
