影片
更多
2008-12-30
24 浏览
星期六晚去完九展睇show之后, 就落左去九龙城谂住食餐好既~行左好耐….拣极都拣唔到…搅左好耐~最终晌泰式烧王门口停低, 因为我睇过食评话呢一个几正宗, 而且好好味~成间舖头既隔局都好正宗, 就好似香港既小炒店咁, 而佢就系泰式既…所以衞生方面就麻麻, 佰系个感觉就几正宗……一坐低无睇餐牌~我朋友就即刻order左一碟生虾刺身~睇过餐牌见到好多野都好好味~结果我地三个人叫左一set冬荫公火锅加配料…辣椒膏炒蚬…半打鸡牛猪~生虾刺身好快就上台…我已经好耐无食过, 所以就急不及待咁食左一只…好鲜味而且都几大只, 但系配果个汁都几辣….但系唔点汁食又唔得㖞….所以要不断饮野~食晒碟虾之后条脷仲有少少麻麻地添~都几刺激……跟住辣椒膏炒蚬~非常之大只….其实我都系因为见到隔离台咁大只先叫….无沙好甜…虽然系用辣椒膏去炒, 但系一0的都唔辣~仲甜甜地~我个朋友索性连0的汁都饮埋….辣椒膏同蚬真系几夹~可以互相带出大家既味道~我认为系必叫既菜式丫…半打鸡牛猪…鸡最好味…烧完都仲好嫰滑~猪同牛就差唔多~….果个沙嗲汁同其他地方唔同, 因为我多数食都系另上既, 但系佢就淋埋上0的串烧度…..平时成日都
星期六晚去完九展睇show之后, 就落左去九龙城谂住食餐好既~行左好耐….拣极都拣唔到…搅左好耐~最终晌泰式烧王门口停低, 因为我睇过食评话呢一个几正宗, 而且好好味~
成间舖头既隔局都好正宗, 就好似香港既小炒店咁, 而佢就系泰式既…所以衞生方面就麻麻, 佰系个感觉就几正宗……
一坐低无睇餐牌~我朋友就即刻order左一碟生虾刺身~睇过餐牌见到好多野都好好味~结果我地三个人叫左一set冬荫公火锅加配料…辣椒膏炒蚬…半打鸡牛猪~
生虾刺身好快就上台…我已经好耐无食过, 所以就急不及待咁食左一只…好鲜味而且都几大只, 但系配果个汁都几辣….但系唔点汁食又唔得㖞….所以要不断饮野~食晒碟虾之后条脷仲有少少麻麻地添~都几刺激……
跟住辣椒膏炒蚬~非常之大只….其实我都系因为见到隔离台咁大只先叫….无沙好甜…虽然系用辣椒膏去炒, 但系一0的都唔辣~仲甜甜地~我个朋友索性连0的汁都饮埋….辣椒膏同蚬真系几夹~可以互相带出大家既味道~我认为系必叫既菜式丫…
半打鸡牛猪…鸡最好味…烧完都仲好嫰滑~猪同牛就差唔多~….果个沙嗲汁同其他地方唔同, 因为我多数食都系另上既, 但系佢就淋埋上0的串烧度…..平时成日都食完一啖又去点0的汁既~依家就每一啖都有汁~我觉得几好㖞呢…..唔驶因为0的酱而争崩头~
最后主角出现啦~就系呢个冬荫公火锅~配料有牛, 猪, 鸡, 鱼蛋, 牛丸, 鱿鱼, 粉丝, 菜等等~我地叫既系一半清汤一半冬荫公~冬荫公其实唔系太辣~sheep唔系好食得辣都顶得顺…配料当中既猪系最好味~佢切得几薄~好快就熟~而且唔会好鞋…但牛就麻麻地~因为佢唔系肥牛…系扮肥牛既牛肉片….渌完会觉得有少少靭…鱿鱼佢地好细心咁切左格仔纹系上面~所以好快就熟~配冬荫公汤底好好~不过唯有系佢有部分既菜…唔知系咩菜…但系渌左好耐…咬落去都系唔系太咬得开, 又食唔出佢系咩味…好奇怪…….卖相就似系通菜既朋友咯……
好努力咁食晒全部野~十个饱~每人都只不过系百三蚊~真系好抵…个环境系麻麻~而且有少少焗, 不过确实系值得一试既泰菜馆咯~~
张贴
