B.Two House (已結業)

最近成日去观塘揾食，因为观塘真系几多隐世小店值得发掘，今日黎到呢栋工业大厦，都有好多餐厅选择，本身想返兜一间马拉野，但去到full左，就转战呢间cafe仔。我叫果个好似系野菜海苔饭，老实讲，比想像中颓，因为佢啲野菜好似人地碟头饭啲配菜右啲汁咁，但我见其他人叫果啲意粉同bagel系高质既，佢地话个意粉creamy得黎唔会腻（我估系用左低脂cream?)同埋佢有得一个bagel配个迷你意粉咁既餐，一次过满足晒你两个愿望。因为个饭平，所以都豪气少少加钱叫左个低脂岩盐咖啡，原来呢个先系重点，上面果层野咸咸地有啲奶盖feel,试完个味，搅匀落咖啡令成杯野生色不少！真系好好饮。总括黎讲，虽然对个饭有少失望，但会再黎饮岩盐咖啡同试bagel。