腩麵茶餐廳 (已結業)

谂起啲人平时食牛腩面会专登山长水远去揾一间来自崩沙腩，而家呢类型嘅舖头已经系买少见少，搞到我都有心思思想试吓，既然今日经过呢间，就入去一试。晚饭时间唔算多人，呢间舖头啲粉面价系中上价位，价钱大概都系四十几蚊。我就叫咗一碗崩沙腩拼云吞上，双拼加$8，所以呢碗价钱系$56。呢间舖头嘅辣椒油系某公司独立包装，感觉有啲奇怪，因为粉面舖多数会有自家制嘅辣椒油，反而更好味。讲返碗面先，崩沙腩嘅份量比我想像中都唔算少，入口非常爽林，完全唔觉得肥，非常好味，双拼云吞只有两粒略嫌少贵，但啲馅有虾同肉味道都到位，不过相较之下牛腩就比较出色。另外，河粉嘅份量比较少，而且有少少碎，比较难夹，男士黎讲应该唔够饱、下次会试面。总括来说，崩沙腩系值得推介，可以一试。开。