影片
更多
2022-08-26
2752 浏览
香港人大家都出唔到国，以前老婆每年生日，我都会同佢去日本、泰国兴生。今年又滞留😔，唯有揾个有伪出国feel嘅地方~赤柱，订咗2日1夜嘅Stanley Oriental Hotel嘅staycation外，今日嚟咗我地第一次约会嘅地方，美利楼Ocean Rock Seafood & Tapas。我地当年食饭时系另一间餐厅Mijas Spanish Restaurant，明明喺openrice上见到结业，心灰咗……但又见到有间同一位置又系西班牙菜嘅？唔想谂咁多，订枱时有问餐厅，原来系几年前转咗名，但厨师都是同一班。老婆今年生日正系农历七月十四……哈哈，人唔太多唔通大家都唔敢出夜街？订枱时唔知系咪因为有同餐厅讲系同太太兴祝生日并讲过话我地第一次约会都喺呢度，佢地安排咗张最靓景嘅枱比我地，仲整到好靓好有心思，抵赞。原来而家露台系pet friendly所以我见到有啲客会带埋狗狗嚟，下次我都带埋小虎出嚟先。Menu同印象中以前都几唔同，无咗啲传统西班牙食物，乳猪、盬烧鱼都无咗……但多咗好多款式同好吸引嘅冰镇海鲜拼盘，好多嘢真系好难拣……侍应建议饮杯嘢慢慢坐吓先，原来星期一至五有happy hou
我地当年食饭时系另一间餐厅Mijas Spanish Restaurant，明明喺openrice上见到结业，心灰咗……但又见到有间同一位置又系西班牙菜嘅？唔想谂咁多，订枱时有问餐厅，原来系几年前转咗名，但厨师都是同一班。
老婆今年生日正系农历七月十四……哈哈，人唔太多唔通大家都唔敢出夜街？订枱时唔知系咪因为有同餐厅讲系同太太兴祝生日并讲过话我地第一次约会都喺呢度，佢地安排咗张最靓景嘅枱比我地，仲整到好靓好有心思，抵赞。原来而家露台系pet friendly所以我见到有啲客会带埋狗狗嚟，下次我都带埋小虎出嚟先。
Menu同印象中以前都几唔同，无咗啲传统西班牙食物，乳猪、盬烧鱼都无咗……但多咗好多款式同好吸引嘅冰镇海鲜拼盘，好多嘢真系好难拣……
侍应建议饮杯嘢慢慢坐吓先，原来星期一至五有happy hour饮品有8折，都好吖。又比埋蚊怕水，话呢个钟数比较多蚊😆咁热梗系叫杯啤酒chill吓先，老婆话要靓又唔甜又要少少酒，就叫咗purple rain，哗，真系几靓，后来同侍应倾吓，原来啲饮品都系佢地自己谂，呢杯仲要系佢地自己用胡蝶豆花泡制嘅gin酒，不过饮落似gin味lime soda清清地。
选择困难症下，我地都系拣咗佢地嘅Signature Dinner Set ForTwo $1388。老婆生日咪食好啲啰。
先系冰镇海鲜拼盘，有4只澳洲生，牡丹虾、波士顿龙虾、海螺、大蚬、带子。仲有一set五个汁，其中泰式辣汁真系劲似以前去bkk食烧虾配果个风味！生新鲜又几甜，虽然唔大只，加埋爆膏龙虾已好满足，净系食呢盘都已经几抵，因为见佢散叫嘅细海鲜拼盘都成千零蚊。
跟住有西班牙头盘3样小食，西班牙奄烈、蒜片炸虾同鹅肝酱多士。老婆劲钟意个鹅肝酱，话好香好滑，佢开心就好。
龙虾波菜汤，呢个系以前我地嚟嘅时候都有叫嘅汤！咁啱可以重温。虽然绿色好怪，其实几好味，而且就完全无草青味同反而无出面嘅龙虾汤有时会浓到啦喉……
主菜原来系两位share一样，最初仲谂搅错边够食，但原来系啱啱好，细食可能都食唔完。我地拣咗medium rare嘅12oz美国肉眼牛扒(唔记得影添……)肉味够浓嘅，有炭烧香味道，唔错。要弹系唯一系薯条普通咗啲食到差不多8pm，月亮竟然喺赤柱果边升起，哗！我地都未试过咁近距离见到月圆，手机唔系最新果啲影唔到肉眼见嘅咁动人！尤其系月光反影喺海上嘅光真系好靓，出唔到门，都叫做揾到个特别啲嘅地方过老婆生日都几难忘。
甜品系芝士蛋糕同焦糖炖蛋，我唔多食甜品，但老婆就话好食，炖蛋有粒粒黑色嘢，老婆话系靓嘢先用云尼嗱子做。碟上厨师写得好靓，真系唔该晒。
整个晚餐相对散叫都几抵食，加上服务都唔错，重点系能够令老婆happy再回味8年前嘅第一次约会，哈哈。
~~~~~~~~~~~~~~~~~~~~~~~~~~~岚石 - 海鲜&牛扒餐厅 赤柱美利楼1楼102号舖
推介菜式：冰镇海鲜拼盘、焦糖炖蛋、美国肉眼牛扒
👍🏻环境舒服
👍🏻食物高级
👍🏻情调一流
张贴
