十二味 (D2 Place TWO)

营业中

休息中

一食川菜，就即刻谂起十二味，喺荔枝角行完市集，见附近有分店，就即刻同朋友嚟咗食！呢间分店嘅装潢依然充满古色古香，座位阔落，望落干净企理！▫️蒜泥黄瓜前菜叫咗呢一款蒜泥黄瓜，食落好清新，黄瓜爽脆，好适合作为餐前小食。而且食辣嘢食黄瓜嘅话有助解辣😋▫️川式口水鸡 每次嚟到必点，口水鸡可以选择三种辣度，我今次就拣咗中辣！口水鸡鸡肉嫩滑，面上铺满口水辣椒油，一啖食落去，除咗有满满嘅辣椒香味，亦冇掩盖鸡味，真系超级好食！▫️干锅（小辣）配料：莲藕、猪颈肉、花椰菜、莴笋、鸡软骨加配白饭😋😋😋今次唔食酸菜鱼，选择咗食干锅！餐厅嘅干锅配料可以选择半份，所以两个人嚟到，依然可以叫干锅食，绝对唔会怕食唔晒！个人最爱食鸡软骨，香辣爽脆！今次仲食咗猪颈肉，肉质爽滑，正！朋友推荐叫莲藕，估唔到加莲藕入干锅，莲藕炒得非常入味，食落爽脆惹味！个人认为干锅必点莲藕！😋▫️柠檬梳打最近增加咗几款梳打饮品，今次叫咗柠檬梳打，解辣一流，清新好饮！