桃源美食 (已搬遷) 新店位置

今日过海本来谂住去波记见识下闻名以久既烧鸭肶濑，点知星期日唔开，于是走左去对面市政大厦熟食中心，打算睇下个间老板好过瘾既四川美食。当然早餐都未食，无理由走去叫条巴蜀烤鱼，于是坐低叫左D例牌茶记干牛河加咸鱼鸡粒炒饭，见唔少阿伯阿叔帮衬叫鱼餐，一条鱼加碗饭再加个例水$35真系超值，条鱼仲任叫整法添。唔怪得枱枱都叫啦。等两碟野黎既时候，见唔少水煮菜，于是又忍唔住叫左个水煮肥牛鲜鱿，一个拍青瓜。两碟炒饭炒河，碟头唔少，味道亦唔错。拍青瓜个汁几好味又唔太辣，不过就拍得唔够烂。个水煮肥牛鲜鱿系用面盆上，吓得我俩个人点食，但其实肥牛鲜鱿唔算好多，反而成盆芽菜辣椒，我拣中辣但其实都唔算太辣。最衰远，唔系下次过黎食晚饭试下佢个烤鱼。