影片
更多
2019-05-23
177 浏览
身为川菜fans最钟意探索各区四川美食，今次帮衬位于大埔嘅呢间小店完全系平靓正之选呢度菜式选择唔算好多，但款款都系经典四川小食，价钱实惠，价钱都唔使睇，一口气嗌晒钟意食嘅嘢都冇问题主食我地试咗酸辣粉同燃情刀削面，碗大面更多，份量十足都只需$30碗。酸辣粉系正宗重庆风味，比起其他铺一味强调辣味，呢度嘅「酸」做得几出色面头铺满鸡丝，汤汁酸辣兼备，红薯粉烟韧弹牙，但又唔会韧到好难咬，索满汤汁，满满一啖好满足。而刀削面就系干捞，同样铺满鸡丝，仲有一堆秘制拌料，碗底铺咗几块生菜，令碗面唔至于太过dry。刀削面本身冇味，将面条同拌料捞匀，确保沾满惹味酱料就可以大快朵颐味道一流，又麻又辣，美中不足嘅系酱料唔够捞匀成碗面，底下嘅面会冇咁够味，所以酱可以多啲就好小食方面，我地食咗麻辣手撕鸡、尖椒皮蛋、同埋蒜泥白肉。三样都系凉拌菜，三个酱汁味道都差唔多。手撕鸡撕得几碎，易挂酱汁。尖椒皮蛋估唔到仲有少少流心，点住麻辣汁食，点都唔觉腻。蒜泥白肉肥瘦均匀，铺满厚厚一堆蒜泥，剁得超碎，夹住白肉食口感非常好。本身仲想试多几款小食，但碗面实在份量不小，唯有留待下次再试最后，跟餐每人送一碗冰粉。透明嘅冰粉加入红糖水，面
呢度菜式选择唔算好多，但款款都系经典四川小食，价钱实惠，价钱都唔使睇，一口气嗌晒钟意食嘅嘢都冇问题
主食我地试咗酸辣粉同燃情刀削面，碗大面更多，份量十足都只需$30碗。
酸辣粉系正宗重庆风味，比起其他铺一味强调辣味，呢度嘅「酸」做得几出色
面头铺满鸡丝，汤汁酸辣兼备，红薯粉烟韧弹牙，但又唔会韧到好难咬，索满汤汁，满满一啖好满足。
而刀削面就系干捞，同样铺满鸡丝，仲有一堆秘制拌料，碗底铺咗几块生菜，令碗面唔至于太过dry。
刀削面本身冇味，将面条同拌料捞匀，确保沾满惹味酱料就可以大快朵颐味道一流，又麻又辣，美中不足嘅系酱料唔够捞匀成碗面，底下嘅面会冇咁够味，所以酱可以多啲就好
小食方面，我地食咗麻辣手撕鸡、尖椒皮蛋、同埋蒜泥白肉。三样都系凉拌菜，三个酱汁味道都差唔多。
手撕鸡撕得几碎，易挂酱汁。
尖椒皮蛋估唔到仲有少少流心，点住麻辣汁食，点都唔觉腻。
蒜泥白肉肥瘦均匀，铺满厚厚一堆蒜泥，剁得超碎，夹住白肉食口感非常好。本身仲想试多几款小食，但碗面实在份量不小，唯有留待下次再试
最后，跟餐每人送一碗冰粉。透明嘅冰粉加入红糖水，面头再洒上少少山楂饼碎同提子干，解辣一流
张贴
