鮮‧港式串燒吧 (已搬遷) 新店位置

同朋友行完骆驼漆嘅outlet，饿饿地于是乎就揾下有咩食， 门口见到有个海鲜拼盘好似几正咁，一于嚟食下！优越海鲜盘 拼盘内有花螺、蛏子王、大蚬、海虾 同生蚝， 全部都大大只 而且食落鲜味十足！ 生蚝肥美多肉带著淡淡嘅海水味，蛏子同埋虾肉都爽滑弹牙，食得出唔系雪藏嘢👍🏻虎皮尖椒带有略辣味嘅尖椒 烧得非常惹味，微辣嘅味道食落非常过瘾， 用来送啤酒简直一流！👍🏻厚切牛脷串 真系非常厚切！牛脷嘅表面有种烤牛扒嘅口感，咬落仲非常多肉汁，而且最好嘅系佢冇牛脷一贯嘅毡味，调味做得唔错~羊架 表皮烧得几香脆，肉质好腍身无咩根，食落啖啖肉！无羊毡味之余都烧得好入味😋窝仔腊味饭煲仔饭内有腊肠、膶肠及腊肉，质感偏实净，唔会死咸，甘香多油、有油润感，而饭粒更系尽吸油香，粒粒分明， 焦香扑鼻！