影片
更多
2022-10-13
250 浏览
观塘除咗塞车，仲出名多嘢食，有好多隐世高质工厦餐厅！呢间餐厅主打意大利同法国菜，由前五星级酒店总厨主理，食物水准同品质有返咁上下保证！餐厅嘅菜式比较特别，系真系去高级西餐厅先会见到嘅菜式，仲有自家制嘅甜品冰糕🍰同埋Cocoron，每款都好精致。喺观塘工厦平平地就食到酒店嘅水准✨，同朋友庆祝一齐食都好ok！------------------------------🦀◖虾肉蟹肉千层粉◗ $198出面食到嘅千层面多数都系肉酱面，呢个系海鲜面，个千层粉会索咗啲海鲜嘅鲜味，加上自带嘅面粉香，味道比较特别！加入咗粒粒虾肉同埋蟹肉丝埋喺千层粉入面，质感比较厚实，好挂汁，仲有少少拉丝！🐚◖焗田螺薯蓉八粒◗ $92薯蓉超级软滑，一啲颗粒都冇，面头有啲咖喱粉，仲食到阵奶香，好好咁带出薯蓉嘅味道！田螺煮得软腍但食落有少少苦，冇乜鲜味。🥠◖蟹肉云吞配黑松露忌廉汁◗ $34/pc $120/4pc散嗌两粒起($34/pc)，可以每人试一粒，黑松露好香但系会有啲漏。外皮够烟韧，包住满满嘅蟹肉，带有少少咸香！🧀◖芝士火锅◗ $399/2人呢个份量绝对唔止两人份量，建议可以四至五人分享！火锅食材有纽西兰牛柳、澳洲豚
------------------------------
🦀◖虾肉蟹肉千层粉◗ $198出面食到嘅千层面多数都系肉酱面，呢个系海鲜面，个千层粉会索咗啲海鲜嘅鲜味，加上自带嘅面粉香，味道比较特别！加入咗粒粒虾肉同埋蟹肉丝埋喺千层粉入面，质感比较厚实，好挂汁，仲有少少拉丝！
🐚◖焗田螺薯蓉八粒◗ $92
薯蓉超级软滑，一啲颗粒都冇，面头有啲咖喱粉，仲食到阵奶香，好好咁带出薯蓉嘅味道！田螺煮得软腍但食落有少少苦，冇乜鲜味。
🥠◖蟹肉云吞配黑松露忌廉汁◗ $34/pc $120/4pc
散嗌两粒起($34/pc)，可以每人试一粒，黑松露好香但系会有啲漏。外皮够烟韧，包住满满嘅蟹肉，带有少少咸香！
🧀◖芝士火锅◗ $399/2人
呢个份量绝对唔止两人份量，建议可以四至五人分享！火锅食材有纽西兰牛柳、澳洲豚肉、烟鸭胸、帕尔玛火腿、司华力肠、西兰花、法包同娃娃菜，有肉有菜，好丰富！用咗两只芝士去做个底，系古椰同大孔芝士，可以keep住食到后期都冇咁重颗粒感。个芝士底比较淡味，相对冇咁漏，咁多样配料入面觉得烟鸭胸同澳洲豚肉最好食！鸭胸嘅烟熏味同芝士嘅奶香味好夹；澳洲豚肉系半熟，烚吓佢去到七成左右，热辣辣咁食，肉质软嫩！食到后期烧干煲，可以叫店员加忌廉，继续慢慢食～
🍨◖伯爵茶自家制冰糕◗ $32
冰糕系可以摆得入雪柜嘅蛋糕，雪冻佢口感软滑，介乎于蛋糕同雪糕之间嘅口感，好特别嘅一道甜品！今次试咗伯爵茶，茶味香浓，里面嘅茶味忌廉同蛋糕mix埋一齐，入口即溶！佢仲有有开心果、伯爵茶、荔枝玫瑰、蓝莓乳酪、热情果乳酪、特浓朱古力同埋猫山王榴梿口味可以拣，全部都劲吸引！
🍍◖菠萝梳打◗ $25
粒粒菠萝果肉，酸酸甜甜咁～
🍹◖热情果乳酸◗ $32
质地好浓厚，酸酸地唔会漏，系乳酪嘅口感！
🌟Encore指数：8.5/10
------------------------------
建议可以多少少人一齐share个芝士火锅，实在太足料两个人一定食唔晒！
张贴
