好佰佰

营业中

休息中

今日某品牌喺火炭工业区开仓， 于是约咗朋友谂住一齐去扫货，不经不觉行咗两个钟， 大家都买到心水货品，准备走人，唔系㖞，肚饿添！睇下附近有咩食先，知道火炭有条新公共屋邨喺附近，决定过去揾嘢食，上到去见到间名为［好佰佰］嘅茶餐厅，餐厅光猛都几大间，围住窗边大约有十张卡位，我地拣咗一张坐，入坐时啱啱两点，餐牌写下午茶2：30开始，但又咁啱听到隔离枱落单下午茶餐，于是问一问侍应生姐姐有下午茶未，姐姐答有。于是我们点了两个下午茶餐。炸鸡髀沙律饮热咖啡😋炸鸡髀新鲜即炸热辣辣皮脆，炸得有少少过火，不过都几好食。沙律有惊喜，唔系话超级好食，但觉得好新鲜好清新， 垫底两块生菜都好脆绿，唔似喺雪柜雪咗好耐𠮶种。咖啡系即磨咖啡几香浓。吉列猪排奶油猪配热奶茶😄吉列猪排同样即炸，切开猪排发觉虽然炸粉厚过猪排，都系接受到嘅程度，奶油猪面脆底就唔够脆，尚算好食。奶茶够滑茶味浓。38蚊下午茶餐对得住价钱，份量足，质素唔差。