鳳城酒家 (干諾道西) (已結業)

为庆祝我俩成功打大佬，决定饮个茶贺一贺佢🍻假日关系，大中小点一律 ＄21.8!!要叫到成枱都系点心咁先高兴🕺🏻🕺🏻🕺🏻(我地系食得晒既，无做大嘥鬼，放心)灌汤饺好好味！有别于坊间用汤浸住，佢系一大只饺包住d 汤，里面就好似冬瓜盅杰身左既汁料，非常巧手！！炸虾角唔系到到有得食，见到一定叫!好好味！外皮酥薄干身，一d 都唔油！👍🏻👍🏻👍🏻虾肉爽口多汁，真系超好味🤤🤤🤤黎凤城都系食番佢既传统野好，所以小笼包就好普通，d 馅料好鞋口，小笼包内系有汤汁，但整体感觉好一般，都系留肚食佢其他出色野。鲮鱼球弹牙有鱼味，推介！烧卖欠左冬菇粒唔够香，豆苗饺都普普通通。肠粉唔够滑流，莲蓉西米布甸就不得了！西米发到够晒淋，鸡蛋非常香，底下既莲蓉甘香细滑，同布甸好夹，味道偏甜，但细细碗食落又ok, 我钟意！流沙包个馅做得非常好，非常有蛋黄香，趁热食，冻左都会流心，但个包会硬左就唔夹。传菜同落单职员都系老师父，我相机食先，d 师父仲叫我慢慢影，好搅笑，好亲民！最后，温题，记得 check 单。