龍門冰室 (已結業)

听好多人介绍龙门有条宵夜美食街，因为系一个小社区，暂时未被地产商收购，冇咩大型商场同连锁餐厅，附近有好多小店经营的地道美食，主要都系做街坊生意，一到晚上就好热闹， 成条美食街都香气勃勃。今晚同妹妹拣咗龙门冰室试一试，7点半门口已经有好多街坊等紧位，我哋等咗20分钟就有位，极度肚饿。咖哩吉列猪柳饭 $47一来到，吓左一跳，成块面咁大嘅猪柳，仲要系切得几厚身。猪扒肥瘦适中，食到有猪油香味，而且炸得好酥脆，但边位食落会有少少界口。 咖哩有少少辣，送饭一流。黑松露薯条 $38因为冇晒薯条所以转左薯皮， 薯皮既调味好似kfc既薯格咁有啲香辣味，因为本身薯皮已经有味再加黑松露酱就好浓味啦。个黑松露酱好好味，好香，我妹好钟意食。薯蓉焗青口 $38又系吓一跳，分量超大，以38来讲，绝对系物超所值。 呢个小食可以当主餐，食晒会好饱好饱。 薯蓉冇调味过的，面头铺满热溶芝士。 青口都算几大只，但露出嚟嘅部分就焗好干。吞拿鱼芝士玉子烧配炸虾 加 捞丁$55同想像中的玉子烧唔同，呢个似奄列多啲，但食落都算唔错，吞拿鱼酱好味。 捞丁既酱汁味道好似鳗鱼汁， 整系都唔错。