貓毛

营业中

休息中

虹桥真系好多美食，见到呢间店名咁得意，于是入去买外卖返去同阿妈食。可以打电话同whatsapp落单，几方便猫霸汉堡:真系好巨型，一啖绝对咬唔晒。 入面有两件重量级手打牛肉汉堡，牛肉味浓，煎得香口保持肉汁。配搭生菜菠萝及蜜糖芥末酱，酸甜开胃﹗咁岩见到可以以优惠价加购大炸鸡派对，加$65就得(减左$5)。有大鸡拼盘有鸡扒2块、鸡锤2件、鸡翼各2只，底层有两块生菜去油腻。可以四款酱之中拣二款，我拣左特浓洋葱汁同蜜糖芥末酱，阿妈好钟意蜜糖芥末酱，够开胃。鸡锤大大旧，鸡皮炸得香脆，鸡肉保持嫰滑﹗跟餐薯条同薯饼:薯条系我钟意重薯味粗身薯条，而著饼仲保持热辣香脆。猫毛朱古力（右图）:写住招牌必饮，饮落甜度适中，入口顺滑。香港人朱古力（左图）:店员提醒冇咁甜，有60%朱古力，饮落果然较浓稠。