影片
更多
2021-10-16
1676 浏览
Poke Bowl夏威夷盖饭喺香港人气飙升，不过间唔时食返碗做午餐系几好嘅😛。呢日去开旺角行街食饭，见到「PokéToké」唔使等位就入去啦。店舖面积细细，有普通餐枱同高枱，装修简约，整体都算坐得几舒服嘅。再者，呢度设计贴心💕，会提供篮俾客人放物品。作为夏威夷盖饭专门店🌺🍚，呢度食乜就唔使多讲。佢提供多款指定特选丼，但你亦可自行组合Mix & Match，价钱其实唔差得几远。我哋懒得逐样拣🙈，所以嗌咗两款Signature Bowl，不过值得一提嘅系佢手机落单版面显示清晰，少饭、多酱、分开上等嘅选项通通都有得拣。题外话，小店无提供套餐，小食同饮品都要以原价加配，有少少贵😣。加州风味碗($98)，主食系三文鱼🐟，配菜有三文鱼籽、青瓜、玉子丝以及车厘茄，酱料则系日式胡麻酱。佢可算系亲子丼，皆因有齐三文鱼同三文鱼籽，两者都几新鲜。另外三款料则系传统配搭；无聊一提，红黄绿三只色拼埋好靓🚥。胡麻酱味道熟悉，成个组合一齐食好夹。经典鸡肉碗($78)，主食系慢煮鸡肉🐔，配菜有蟹柳、玉子丝以及豆腐，酱料则系凯撒沙律酱。嗌鸡系因为唔想食咁多海鲜，但都惊味道唔夹。不过出到嚟几有惊喜👍，鸡肉大大粒，肉质唔嚡
Poke Bowl夏威夷盖饭喺香港人气飙升，不过间唔时食返碗做午餐系几好嘅😛。呢日去开旺角行街食饭，见到「PokéToké」唔使等位就入去啦。
店舖面积细细，有普通餐枱同高枱，装修简约，整体都算坐得几舒服嘅。再者，呢度设计贴心💕，会提供篮俾客人放物品。
作为夏威夷盖饭专门店🌺🍚，呢度食乜就唔使多讲。佢提供多款指定特选丼，但你亦可自行组合Mix & Match，价钱其实唔差得几远。
我哋懒得逐样拣🙈，所以嗌咗两款Signature Bowl，不过值得一提嘅系佢手机落单版面显示清晰，少饭、多酱、分开上等嘅选项通通都有得拣。题外话，小店无提供套餐，小食同饮品都要以原价加配，有少少贵😣。
加州风味碗
$98
44 浏览
0 赞好
0 留言
经典鸡肉碗
$78
35 浏览
0 赞好
0 留言
每个Bowl都有得拣盖饭底：沙律菜🥗、寿司饭🍣或者半半。沙律菜鲜嫩，寿司饭酸度适中。识食一定拣半半，可以一次过满足两个愿望，而且好彩咁样嗌咋，因为份量激多，半半量嘅饭都足以填饱我哋肚仔，甚至乎两个女仔食一碗都够饱。另外，每碗丼均配有紫菜丝、木鱼丝同黑白芝麻，我全部都要，哈哈！
黄金炸蟹钳
$38
14 浏览
0 赞好
0 留言
香蕉奶昔
$36
16 浏览
0 赞好
0 留言
总括嚟讲，呢间PokéToké几高质，算系我食过比较好食嘅夏威夷丼，而且仲要系巨无霸份量📣，我肯定男仔都够食！最后，佢系一间撑香港人嘅小店💛，值得大家支持啊。
张贴
