影片
更多
2019-02-23
137 浏览
上网睇到有人赞佢个鹅肝饭 点知中伏🤷🏼♀️不论系食物定服务态度都劣到乜咁首先讲食物 旧鹅肝细过我4分1掌心都算点解食落去会系一pat浆咁🤨有油系正常但系d油多到成个汤匙咁满系想点？😪另外 饭粒个质感算几好 保持到硬硬地咁但系成个酱汁系冇咩味 完全靠d黑醋吊味结果系一路食 我都好似食紧个有酸味既饭咁仲有本身包埋既餐汤 难饮到呢🤢味道怪怪地 同埋未见过可以稀到咁既蘑菇汤 我饮咗两啖就顶唔顺冇饮 真系馊水咁🤮.到服务态度方面 一入到去 得4,5枱客店员A𠮶头指示我地坐𠮶张枱 坐好哂摆哂袋转过头店员B又叫我地转去另一张枱转唔系问题 但系态度可唔可以好少少？🤬「喂坐𠮶张呀 因间有客会坐呢张」喂乜野 我地唔系你d客？俾返少少尊重好冇？.好啦 到落order 我个frd未谂到食咩正常都会话落住一个先 点知店员B就西态度「要两个一齐落我先至俾厨房架㖞 你地谂好先啦」佢转个头就走返去cashier 望住我地同店员A窃窍私语 keep住一副死咗人咁既样应该系以为我地会净系两个人嗌一个餐🤷🏼♀️.一路食 一路有客嚟 就不断听到呢两个女人对住d客呼呼喝喝 广东话又唔正🙄完全系赶客mode 咁唔想做就折咗佢🙂唔
不论系食物定服务态度都劣到乜咁
牛肝菌鹅肝意大利饭🦆
$108
7 浏览
0 赞好
0 留言
首先讲食物 旧鹅肝细过我4分1掌心都算
点解食落去会系一pat浆咁🤨有油系正常
但系d油多到成个汤匙咁满系想点？😪
另外 饭粒个质感算几好 保持到硬硬地咁
但系成个酱汁系冇咩味 完全靠d黑醋吊味
结果系一路食 我都好似食紧个有酸味既饭咁
蘑菇汤
7 浏览
0 赞好
0 留言
仲有本身包埋既餐汤 难饮到呢🤢
味道怪怪地 同埋未见过可以稀到咁既蘑菇汤
我饮咗两啖就顶唔顺冇饮 真系馊水咁🤮
.
到服务态度方面 一入到去 得4,5枱客
店员A𠮶头指示我地坐𠮶张枱 坐好哂摆哂袋
转过头店员B又叫我地转去另一张枱
转唔系问题 但系态度可唔可以好少少？🤬
「喂坐𠮶张呀 因间有客会坐呢张」
喂乜野 我地唔系你d客？俾返少少尊重好冇？
.
好啦 到落order 我个frd未谂到食咩
正常都会话落住一个先 点知店员B就西态度
「要两个一齐落我先至俾厨房架㖞 你地谂好先啦」
佢转个头就走返去cashier 望住我地
同店员A窃窍私语 keep住一副死咗人咁既样
应该系以为我地会净系两个人嗌一个餐🤷🏼♀️
.
一路食 一路有客嚟 就不断听到呢两个女人
对住d客呼呼喝喝 广东话又唔正🙄
完全系赶客mode 咁唔想做就折咗佢🙂
唔好浪费食物 浪费其他人时间同金钱
应该系我有史以来食过最令人嬲既餐厅
餐包
1 浏览
0 赞好
0 留言
张贴
