居食屋「和民」 (已結業)

星期六夜晚去食, 好彩早去到, 6 点几到啦, 好快有位, 如果唔系就有排等, 走个时都见到好多人等紧位。2 个人, 都叫左唔少野: 豆浆豚肉锅; 杂绵刺身; 红酒洋葱汁烧羊架; 海胆寿司; 海胆蒸蛋; 还有一杯甘荀益力多。春季特别推出的豆浆豚肉锅比较失色, 得好少豆浆, 仲会有少少「痴」底, 豚肉都唔算好食, 好淡, 冇咩味。刺身寿司一向都唔系和民主打, 但因为突然想食, 所以都叫左。出奇地都几好食, 刺身细细件咁, 但数量都几多, 而且都ok 新鲜。海誊寿司都新鲜, 几好食。烧羊架上次食过好好食, 所以今次再叫, 但同上次差好远。煎得唔够香, 又唔够味, 有一件里面仲系生生地, 好差。整体印象比上次差左啰....可能因为系星期六, 人多, d 野马虎d 挂。