大頭蝦東南亞料理

营业中

休息中

一心系去排骨面，点知条龙排到隔离舖，初夏30度，真心冇耐力室外排队，所以脚快快走左入呢间野谂住食碗喇沙补偿下。点知一入店，室内气温同室外冇分别；一坐低，周围望下啲冷气，一部打柴，一部滴水，根本无办法令人有食欲。咁既环境其实系要即刻起身走人的。如果啲野食好食都算、点知碗喇沙河一上枱已深知不妙，汤底颜色同碗鱼蛋粉冇分别，莫讲话椰香，辣汁都冇滴，淡到一个点！放几件豆卜就叫喇沙？可唔可以俾啲诚意。食左两啖仲要大汗叠细汗就要投降。$50 豪比你。成餐饭，系自己攞嚟衰的。