日牛涮涮鍋專門店 (已結業)

8:45分见门口排左好多人，应该好好食，谂住一试就唔紧要照排同门口侍应讲，谂住拎飞，点知佢直接带我地入座，我地都好奇怪，出面咁多人点解可以直入，侍应A话一阵9点系宵夜时段，$100任食，但细声讲话会同主餐牌既4种牛种唔同，咁即系好差既肉啦，算啦，所以我地就叫左日牛套餐$148，第一盆牛肉不过不失，任食算系咁，猪肉几好食。之后过左阵叫多两盆牛肉，点知。。。同第一盆差好多，有黑边又细细块，望落就觉得次一级，就问侍应B「呢个系日牛？」佢就唔出声行去后面部机睇，似睇下我地系叫左咩餐， 之后行返黎换走个两碟牛....上返同第一碟差不多质素既。食完我地又叫一猪一牛，点知，又系「发黑」牛，又问侍应系咪搞错，今次侍应A话呢个系日牛同宵夜个只牛系一样，「下，我之前食三碟都唔系咁样㖞⋯⋯」，佢话「系咁架，最多同你换第二碟」成件事最嬲系侍应A前言不对后语，一早又话日牛餐同宵夜餐唔一样质素，而家又话系一样， 劲痴线，唔会有下次啰！最后加一两人$352.6