幸福班戟 (K11 Musea) (已結業)

同个friend好耐冇见约咗去尖沙咀meet up，本身谂住揾间cafe慢慢坐，食个轻盈d嘅下午茶，但又揾唔到间好想食嘅cafe。朋友建议去食甜品，我哋就即刻谂起班戟。上次食咗gram觉得麻麻，觉得个pancake唔够soft好实。我地决定转战新开嘅K11 musea入面嘅幸福班戟，试下呢间过江龙水准。去之前都预咗要排队，一去到大概有十几人排紧，我谂等咗半个钟左右就入得。我哋叫咗两个口味share嚟食。一个系朱古力香蕉味，另一个系宇治抹茶味。由于佢嘅班戟系即叫即整嘅，所以我哋order完大概等咗15分钟先有得食。个班戟一上嘅时候已经闻到好香嘅蛋味。抹茶味同我本身幻想嘅有少少出入，我以为个班戟都系抹茶味，但原来只得topping个雪糕系抹茶味。朱古力香蕉班戟香蕉新鲜，熟度刚刚好。食个pancake嘅时候记得将啲朱古力酱同cream夹埋一齐食，味道会丰富啲抹茶班戟本人超钟意食抹茶味嘅甜品。呢个抹茶味雪糕好好食！完全唔会有个种抹茶嘅苦涩味。食𠮶阵记得落埋个黑糖sauce食，每一啖班戟加埋抹茶味嘅雪糕加d cream 同nuts，好幸福呀！❤️班戟口感好soft好绵，抵你咁多人排队嘅！