紅茶冰室

营业中

休息中

兩三年前非常崇拜紅茶，因為當時好少做丹麥吐司，而幾間分店係論常餐、早餐、晚餐都做得好出色當時已經好多香港人排隊等食飯，茶餐廳黎講真係好少見到咗而家俾大陸網紅吹捧，變得更加多人排隊。。。試過食一個早餐都要等半個鐘先有位入，就已經好耐冇食今日早咗收工，去尖沙咀分店再回味一下，發現原來水準已不再，份量亦細左。常餐豬扒通粉，炒蛋吐司，熱鴛鴦 係我既例牌通常叫呢個餐5分鐘內一定起到貨，但短短幾分鐘已經有兩個同事送錯餐黎😑嚟到見到吐司比起以前細左三份一，心知不妙。通粉亦冇以前咁入味。鴛鴦不過不失，但係茶味都少咗。只可以講係一個普通，快出餐，正常價嘅常餐。求醫肚係可以，但係要搵返以前嗰種驚艷感覺應該回不到的過去。而家已經好多冰室都係做同一款食品，如果只係因為網紅吹捧而keep到生意但質素下降，真係可以唔使返轉頭食。