創意廚房 (已結業)

铺面细细,数埋都唔多10张枱,入到去见到餐单有几个精选推介,就一于试下个巴东牛肉,而一个饭会送个饮品。特饮一样系免费，正当我选择有咩特饮既时候，老板就推介１００毛。而我不知100毛是什么,饮落甜甜地,都几好味,不过饮唔出系咩整出黎。个牛肉饭卖相唔系几讨好,但出奇地好食,辣辣地,牛肉又到软,份量又够多。好好味,而d饭唔系平时我地食既泰国米，唔知系咪台湾米黎，有少少似日本米。唯一唔好就系个汁唔够多，如果唔系只系汁捞饭都已经可以食一餐。而个老板一定系个吹水佬同ｄ食客吹唔停，个个好似好ｆｄ咁，期间都见有熟客食，基本上老板都记得佢地喜欢饮ｄ咩另外如果唔要野饮可以平ｄ更好，因为有时只想饮水，但这只有套餐卖。