馬拉盞星馬美食 (已結業)

朋友介绍这间马拉盏的菜式好好味，所以约埋个friend嚟试下。座落waiter放下餐台纸及MENU，哗！花多眼乱好多菜式，样样都好想试。最终简选2人B优惠套餐，当中有肉骨茶中煲、马拉盏通菜、例牌招牌鸡、油炸鬼、白饭或米线、两杯饮品及饭后甜品两份。肉骨茶清香甘甜，果然正斗。老板话有十多种药材煲成的，有行气活血作用及补而不燥。补而不燥呢句我就最紧要。所以多饮也不怕。最正系老板比碟甜豉油加蒜茸及指天椒用嚟点肉骨茶D肉。马拉盏通菜出场，哗！居然用瓦煲上，热腾腾，香味浓郁!食落好鬼死正，不过对我嚟讲就辣咗D。鸡系卤水鸡，鸡肉奇滑好味! 叫咗两杯咖啡及奶茶它们的味道不同茶餐厅，咖啡可选择香浓、超滑、无糖、小甜及人参味，我就叫了超滑咖啡。果真比一般港式茶餐厅滑，奶茶也好好饮，奶味好重好香。甜品是啫哩加花奶(小时最爱食)。总括我十分比85分。走时隔离叫了叻沙套餐，好似好正下次再去试下。