鴻記點心餐廳

营业中

休息中

晨早楼楼6点几系深井揾早餐食真系唔多选择！想饮下茶 食点心 就行左过去依间系巷仔入面既 鸿记点心餐厅 其实出面深井大马路都有间叫鸿记点心 应该都系同一间黎 （但巷仔入面既就比较隐蔽 同系有多d 点心同茶介选择）环境就一般 地下好滑 要小心跣亲位置唔多 早上6-7点都有好多老人家过黎饮茶食物质素牛肉忠头饭一般般 牛肉有d咸 对我黎讲偏重口味既人可接受 饭有点偏干蒸饭豉油唔错 甜中带咸（好既蒸饭豉油 在一笼盅头饭同肠粉 系起到一个点睛作用）叉烧肠粉皮系唔错够薄，馅都算唔错，重芫茜味，但就略嫌蒸得唔够热。普洱茶茶味淡，色浓。 普通当热水饮都ok既。总括：OK卫生一般 地下防滑差 天雨路滑要更小心 食物质素过得去 迟去既话好多点心都会无货 。系深井饮个早茶食点心 要求唔高既 黎依间野都算过得去既。