A la maison XXL Seafood & Grill (已結業)

星期六日揾地方去想东行下，西行下，去啲平时冇去多个地方见识一下香港都好，唔好成日喺屋企。今日呢就行到过去炮台山附近，喺横行发现到呢间西餐，上网再睇一睇啲评语都唔错，所以就试吓。放假我就最钟意食All day breakfast，呢到同出面𠮶啲唔同，呢个系高级版嘅。高级在边度呢？就系见佢有只龙虾。整个嘅质素真系几好，除咗有半只龙虾之外仲会有烟三文鱼，配菜仲有啲杂菌同埋薯仔，其他鸡蛋，肠仔新唔使讲。亮点就系佢𠮶两块面包，唔好谂住望落去系干争争嘅面包，原来系好软身的甜多士，外有小脆，内软。食落去有好足够嘅牛油香味，系我最钟意嘅类型。我再叫左个卡邦尼亚意粉，个意粉系我食过之中都系头三名好食嘅，虽然我唔知佢用咗啲乜嘢芝士，但系煮出嚟𠮶种芝士味出面好少食到，好浓，好杰。就算我系出面食过，用原个芝士即场捞同呢一度都系差唔多，比较值得试。甜品有4至5款，我就选左呢一个焦糖布丁，食嘅时候暖暖地，似软身啫喱糖，食落去蛋味淡淡嘅，甜味就适中。今日发掘呢个地方几好，估唔到食物嘅嘢有返咁上下嘅质素，价钱来讲我就觉得算中等，值得去。