圍爐取暖

营业中

休息中

有无谂位于旺角市中心都可以camping？呢间大玩室内camping主题打边炉，真系第一次见，今次同fd 一齐伪camping，凉住冷气打边炉！酱料需要每位收$18，主要有炒蒜、葱粒、芫茜、辣椒粒、麻油等。汤底拣左养生既花胶鸡汤 （半只）$298，汤底呈现金黄色，鸡肉份量都多同大只。花胶另外一碗分开上，店员会系我地面前先放花胶落汤底，望落去厚身大块，以呢个价钱黎睇呢块花胶应该吾系太贵价既花胶，所以我无太高要求。手切牛肉拼盘 $398打边炉最钟意食牛，呢度有提供手切牛肉拼盘，吾洗头痛拣边款，每款都可以试下！拼盘有牛小排、骟牯牛肉、牛肩胛骨肉、牛舌片、牛肉粒、牛展、牛黄喉等，牛肉几高质，牛味香浓，最喜欢牛舌，食落几滑同爽口。珊瑚蚌 & 桂花蚌 $138桂花蚌同珊瑚蚌都几爽口，不过珊瑚蚌比较细块同碎。手打芝士牛肉丸 $684粒手打丸，入面有芝士馅。