Med Chef (已結業)

返工返尖沙咀厚福街嘅嘢都食得7788 ，听朋友讲最近开咗间新嘅cbd主题餐厅，本身都未试过CBD嘅嘢，都系抱着试一试嘅心态去食。餐厅嘅主题似乎系用紫色，门口好大个灯牌，就咁睇有啲似系一间吧。我同朋友一人叫咗一杯嘢饮，两杯都系梳打，两杯唔会太甜，而且几易入口。同埋都几钟意佢嘅杯杯碟碟，己有格调㖞。我哋叫咗一个poke bowl，上菜嘅时候都打咗个突，都几大份㖞，又有三文鱼又有吞拿鱼。佢哋加咗啲青豆，识落己有口感，脆脆地咁，几得意。我哋仲叫咗一个蒜香大虾意粉，食得出大虾唔系啲平价货，虾肉好弹牙，而且成个碟咁长，抵赞。意粉方面觉得份量可以再大啲就好啦，不过女仔食到啱啱好嘅，钟意食蒜香意粉嘅话应该都会钟意食，好香蒜蓉味，用咗扁意粉所以都几弹牙，唔会煮到太淋。最后我哋仲叫咗牛扒，因为朋友系一个牛魔王，去到边都要食牛。好香牛味，而且值得一提嘅系配菜有菊芋蓉，唔系薯蓉，识落好清新，唔会好油腻，我哋清左碟添。同埋摆盘都值得一赞，上面嘅炸莲藕片令到成件事靓咗。总括嚟讲食物嘅质素都好好，唔知系咪心理作用，食完之后好似真系有放松少少，可能食完好嘢都已经放松啲挂哈哈。